છાણી પોલીસે બાજવા ચેકપોસ્ટ પાસેથી શ્રાવણિયો જુગાર રમતા ત્રણ ખેલીઓને ઝડપી પાડ્યા હતા. પોલીસની રેડને પગલે જુગારીઓમાં દોડધામ 4 હજાર ઉપરાંતનો મુદ્દામાં કબજે કરાયો છે.
વડોદરા શહેરના છાણી પોલીસ સ્ટેશન વિસ્તારમાં સ્ટાફના જવાનો પેટ્રોલીંગમાં હતા. આ દરમ્યાન ફરતા ફરતા બાજવા ચેક પોસ્ટ પાસે આવતાં બાતમી મળી હતી કે, પદમલા ગામ ઇન્દીરા નગરી પાછળ આવેલ ખુલ્લા મેદાનમાં લીમડાંના ઝાડ નીચે કેટલાક શખ્સો જુગાર રમે છે. જે બાતમી આધારે રવિવારે કરી રેઈડ કરતા સ્થળ ઉપરથી ૩ ખેલી સતિષભાઇ ભરતભાઇ પરમાર (ઉ.વ. 39, રહે. ઇન્દીરા નગરી, પદમલા ગામ) મનોજભાઇ જીવણભાઇ પરમાર (ઉ.વ.૩૫, રહે, ઇન્દીરા નગરી, પદમલા ગામ), સંજયકુમાર દલસુખભાઇ પરમાર (ઉ.વ.31, રહે. પરમાર ફળીયું, પદમલા ગામ)ને ઝડપી પડ્યાહતા. પોલીસે તેમની અંગ ઝડતી તેમજ દાવ પરના મળી કુલ રૂપિયા 4 હજારનો મદ્દામાલ કબ્જે કર્યો છે.
