- ગોરવા પોલીસે ત્રણેય જણા સામે દારૂ બંધીના ભંગ બદલ કેસ કરી અટકાયત કરી

થર્ટી ફર્સ્ટની ઉજવણી દરમિયાન દારૂ પી ને છાકટા બનતા તત્વો સામે પોલીસે લાલ આંખ કરી છે. જેના ભાગરૂપે ગેંડા સર્કલ પાસેના કેફેમાંથી પોલીસે બે પીધેલા સહિત ત્રણને ઝડપી પાડયા હતા.

થર્ટી ફર્સ્ટની ઉજવણી દરમિયાન દારૂની રેલમછેલ થતી હોવાથી પોલીસ કમિશનરે તમામ અધિકારીઓને નાકાબંધી કરી વાહનોનું ચેકિંગ કરવા માટે આદેશ આપ્યો છે.આ ઉપરાંત શકમંદો તેમજ બૂટલેગરો પર પણ નજર રાખવા કહેવાયું છે.

ગોરવા પોલીસ ગઇકાલે નાતાલને દિવસે પેટ્રોલિંગમાં હતી તે દરમિયાન ગેંડા સર્કલ પાસે એટલાન્ટિસ કોમ્પ્લેક્સ ખાતે હોલીસ્ટ બાઇટ્સ નામના કેફેમાં તપાસ કરતાં કાઉન્ટર પર બેઠેલા મિલન પ્રકાશરાવ શિતોળે (રહે. સમન હાઇટ્સ સપ્તર્ષી, મોનાલિસા પાસે, અવધૂત ફાટક, માંજલપુર) પાસેથી દારૂની અડધી બોટલ મળી આવતાં પોલીસે બોટલ અને મોબાઇલ કબજે લીધા હતા.

પોલીસે કેફેમાં ચેકિંગ કરતાં ત્યાં બેઠેલા વિવેક વજેસિંહભાઇ સોલંકી (રહે. શિવ કોમ્પ્લેક્સ, ન્યુ અલકાપુરી-લક્ષ્મીપુરા) અને વિધાન ઉદયભાઇ પરમાર (રહે. જયલક્ષ્મી ડુપ્લેક્સ, ટીપી-૧૩, છાણી જકાત નાકા) દારૂના નશામાં મળી આવતાં પોલીસે ત્રણેય જણા સામે દારૂ બંધીના ભંગ બદલ કેસ કરી અટકાયત કરી હતી.