- રૂપિયા પરત માંગવા છતાં નહીં આપી તથા વિઝા પણ નહીં કાઢી આપી છેતરપિંડી આચરી
કેનેડાના સ્ટુડન્ટ વિઝા કાઢી આપવાના બહાને એજન્ટ મહિલા સહિત બે શખ્સો દ્વારા મહેસાણા જિલ્લાના આધેડ સહિત બે લોકો પાસેથી 16.24 લાખ રૂપિયા પડાવી લેવામાં આવ્યા હતા. વારંવાર રૂપિયા પરત માંગવા છતાં નહીં આપી તથા વિઝા પણ નહીં કાઢી આપી છેતરપિંડી આચરવામાં આવી હતી. જેથી આધેડે બે ઠગો વિરુદ્ધ ફતેગંજ પોલીસ સ્ટેશનમાં ઠગાઈની ફરિયાદ નોંધાવી છે.
મૂળ મહેસાણા જિલ્લામાં રહેતા કનુજી રાજાજી પરમારે ફરિયાદ નોંધાવી છે કે, હું કડી બસ સ્ટેશન ખાતે કંડક્ટર તરીકે નોકરી કરી માટે જીવન ગુજરાન ચલાવું છુ. મારા દીકરા દિરપાલસિંહને વધુ અભ્યાસ માટે કેનેડા જવું હોય જેથી મારે મારા દીકરાના સ્ટુડંટ વિઝા કઢાવવાના હોવાથી આ વાત મેં મારા ભત્રીજા ધવલને કરી હતી. જેથી ધવલે મને જણાવ્યું કે, મારા મિત્ર દિલીપ શંકર પટેલના ઓળખીતા વિઝાનું કામ કરે છે. જેથી મેં દિકરા દીરપાલસિંહ અને ભત્રીજા ધવલને આણંદ ખાતે દિલીપભાઈના ઘરે મોકલ્યા હતા. ત્યાંથી તેઓએ દિલીપભાઈએ વિઝાનું કામ કરતા અને વડોદરાના અભિલાષા ચોકડી પાસે ગુણાતીત રેસીડન્સીમાં રહેતા તેમની માનેલીબેન સંગીતાબેન ઓજા સાથે ઓળખાણ કરાવી હતી. તે તમારૂ વીઝાનું કામ 100% કરાવી આપશે તેવી વાત કરી હતી.
હું તથા મારા પત્ની તારાબેન આ સંગીતાબેનને મળવા વડોદરા ખાતે તેમના ઘરે ગયા હતા. જ્યાં સંગીતાબેન સાથે સ્ટુન્ડ વિઝાની તમામ વાતચીત કર્યા કરી અમારા પુત્રના તમામ ડોક્યુમેન્ટની ખરાઈ કરાવ્યા બાદ સંગીતાબેને કેનેડા સ્ટૂડન્ટ વિઝાનો કુલ ખર્ચ રૂ. 15 લાખ થશે અને અને કેનેડાના સ્ટુડન્ટ વિઝા માત્ર 6 માસમાં આવી જશે તેમ જણાવ્યું હતું. જેથી અમને આ સંગીતાબેન ઉપર વિશ્વાસ આવતા અકાઉન્ટમાંથી ગુગલ પે દ્વારા કુલ રૂ. 10.24 લાખ તથા રોકડા 5 લાખ મળી રૂ.15.24 લાખ કેનેડાના સ્ટૂડન્ટ વિઝા કઢાવી આપવાના બહાને દિલીપભાઈ તથા સંગીતાબેન બન્નેએ મળી મેળવી લીધા હતા. સદનામલિંગ જસબીરસિંહ ગાવરીયાના રૂ. 1 લાખ વિઝા કાવી અપાવાના બહાને મેળવી થઈ આજ દિન સુધી મારા દીકરા તથા અન્યના વિઝા કરાવી આપ્યા નહીં. સંગીતા બેનના ઘરે જઈ તપાસ કરતા જાણવા મળ્યું હતું કે, આ સંગીતાબેન ઘર ખાલી કરી ક્યાંક જતા રહ્યા છે. જેથી આ વાત મેં દિલીપભાઈને કરતા દીલીપભાઈએ જણાવ્યું કે, સંગીતાબેન તમારા રૂપિયા પરત ના આપે તો હું તમને રૂપિયા પરત આપી દઈશ તેવો વિશ્વાસ આપી આજદિન સુધી કેનેડાના સ્ટૂડન્ટ વિઝા કઢાવી આપવાના બહાને મેળવી રૂપિયા પરત નહીં આપી અમારી સાથે છેતરપીંડી કરી છે.