માંજલપુર અલવા નાકા તથા ન્યાય મંદિર દૂધવાળા મહોલ્લાની સામે જુગાર રમતા 10 જુગારીઓને પોલીસે ઝડપી પાડ્યા છે.
માંજલપુર પોલીસને માહિતી મળી હતી કે જીઆઇડીસી પોલીસ ચોકીની સામે ખુલ્લી જગ્યામાં કેટલાક લોકો જુગાર રમી રહ્યા છે. જેથી, પોલીસે ઉપરોક્ત સ્થળે દરોડો પાડીને સાત જુગારીઓને ઝડપી પાડી રૂ.4,750 કબજે કર્યા છે. પોલીસે પકડેલા જુગારીઓમાં ભરત મહેન્દ્રસિંહ પરમાર, મહેન્દ્ર પ્રકાશ બી મહાલે, રાજેન્દ્ર મગનભાઈ આહિરે, કિરણ લક્ષ્મણભાઈ આહીરે, હિતેન્દ્ર હીરામણભાઇ ઠાકરે, મહેન્દ્રભાઈ દગડુભાઈ જીરે (તમામ રહે, સિકોતર નગર, જીઆઇડીસી, પોલીસ ચોકીની સામે, અલવાનાકા, માંજલપુર), દિપક વામણરાવ બયસાણ (રહે, ચંદ્ર વિલાનગર, કોતર તલાવડી, અલવાનાકા, માંજલપુર)નો સમાવેશ થાય છે.
જ્યારે અન્ય એક બનાવમાં ન્યાય મંદિર દૂધવાળા મહોલ્લાની સામે જુગાર રમતા વસંત પુનમચંદ રાજપૂત (રહે. પથ્થરગેટ, નવાપુરા) નાસીર મહેબુબખાન પઠાણ (રહે. ખાટકીવાડ, નવાપુરા) તથા દીપક નટવરલાલ ઠક્કર (રહે, ભાટવાડા, વાડી)ને ઝડપી પાડી કુલ રૂપિયા 8960નો મુદ્દામાલ કબજે કર્યો છે.
